Venjulega óvenjulegur maður.

Svo virðist sem þessi fjöldamorðingi hafi verið ósköp venjulegur í háttum, a.m.k. nógu "venjulegur" til að engan gæti hafa grunað hvað hann ætlaði sér.

Aldrei hafði hann komið við sögu lögreglunnar á neinn hátt og aldrei vakið neina sérstaka eftirtekt samborgara sinna umfram aðra. 

Því er ekki að neita að þetta vekur með manni ugg um að fleiri svona menn leynist á meðal okkar og að þeir gætu látið til skarar skríða hvenær sem er, hvar sem er.

Því miður óttast ég það versta. 

 

Faðir og bróðir Breiviks unnu í ráðuneytum

Athugasemdir

[Axel Jóhann Hallgrímsson, 24.7.2011 kl. 11:29]

Ég sé ekki betur en á blogginu sé hópur manna sem steyptir eru í þetta sama mót, en sorglegast er að þeim er hampað sem hetjum á mbl.is.

[Árni Gunnarsson, 24.7.2011 kl. 12:25]

Ég hef varað við því að gefa þessu voðaverki pólitíska skírskotun og pólitíska athygli. Fyrir það hef ég þolað snuprur frá marktækum einstaklingum.

Ekkert er líklegra til að vekja fleiri svona geðvillinga til athafna en einmitt það að gera svona óhugnað að pólitísku deiluefni og finna atferlinu samastað á einhverjum slíkum vettvangi. 

[Guðmundur Ásgeirsson, 24.7.2011 kl. 20:58]

<sarc>

Já passið ykkur á mér.

Ég er hávaxinn og ljóshærður, með norrænt útlit.

Af vinstri mönnum álitinn hægri öfgamaður.

Af hægri mönnum álitinn vinstri-öfgamaður.

Hreinræktaður arískur öfgabloggari, alveg hægri-vinstri-snú.

Gott ef ég er ekki bara holdgervingur hins illa.

Indverska fjölskyldan í næsta húsi hlýtur að vera kolgeðveik að leyfa börnunum sínum að leika við börnin mín.

Hvað þá fólkið sem flutti hingað frá Filippseyjum og vogar sér að senda sín börn í skóla með mínum. Vita þau ekki að þetta er hættuspil?

</sarc>

Ef þið haldið þetta í alvöru hef ég bara eitt ráð. Síminn er 543-4200.

[Tóti tryllti (IP-tala skráð) 24.7.2011 kl. 22:34]

Heyrðu! Sá sem svaraði vildi ekki tala við mig, sagði að þau væru undirmönnuð og skellt á mig. )o;