Gott á Geir

Barað plata. Mér finnst þetta ekkert gott á Geir. Ég sárvorkenni honum, kallgreyinu. Ekki endilega vegna þess að ég telji hann ekki bera sína ábyrgð á því hvernig fór heldur fyrir að vera sá eini sem þarf að sæta ákærum þegar öll ríkisstjórnin og allir alþingismennirnir sem sátu á þing 2008 eru alveg jafn sekir um vanrækslu og aðgerðarleysi í vinnunni.

Og hvernig stendur á því að það tekur bara nokkra mánuði að ákæra Geir þegar aðalskúrkarnir, þeir sem raunverulega mergsugu bankana og stálu peningunum, leika enn lausum hala og lifa í vellystingum á kostnað þjóðarinnar, mörgum árum eftir ránið?

Skil það ekki.

Ákæra gefin út á hendur Geir

Athugasemdir

[Tómas H Sveinsson, 10.5.2011 kl. 20:51]

Hjartanlega sammála. Svo má ekki heldur gleyma hlutverki Ólafs Ragnars Grímssonar við að blása upp afrek "útrásarvíkinganna". Af hverju er hann ekki kærður? Hann á ekki hvað minnsta sök á þessum hrakförum þótt hann hafi snarvent þegar vindar fóru að blása úr annarri átt.

[Guðlaugur (IP-tala skráð) 10.5.2011 kl. 20:53]

Nei þetta er ekki gott  á nokkurn mann. Það verður þeim sem að þessari ákæru standa, til ævilangrar skammar að hafa samþykkt þessa endemis þvælu. Gs.

[Ásgrímur Hartmannsson, 10.5.2011 kl. 21:19]

Hann er "expendable," býst ég við.

Aðalskúrkarnir eru ekki teknir, held ég, vegna þess að þeir eru svo iðnir við múturnar.  Það er einfaldasta skýringin.

[Þráinn Jökull Elísson, 10.5.2011 kl. 21:34]

Íslenskt réttarfar?? Án gamans þá voru fleiri sem með réttu hefði átt að draga fyrir Landsdóm. Nema...e-ð sé á borðinu sem við óbreyttir höfum ekki fengið að sjá.

Rannsóknarhagsmunir?? Neeei, það held ég varla. Gagnsæi?? Neeei, enn síður.