Hvaða, hvaða?

Óttalegur æsingur er þetta út af örlítilli víndrykkju. Jafngildir það fangelsi eða einhvers konar einangrunarbúðum að vera í fótboltalandsliði? Eru menn ekki farnir að taka þennan leik allt of alvarlega? Eftir allt saman þá snýst þetta ekki um að vinna heldur vera með. Eða ég hélt það a.m.k.
mbl.is Veigar Páll biðst afsökunar
Tilkynna um óviðeigandi tengingu við frétt

Kollhúfan á E-Bay

Það eina sem er ekki gamlar lummur í þessari frétt er að kollhúfa páfans fauk út í buskann. Vafalaust hefur hún gert einhvern glaðann því ég gæti trúað að það fengist ágætur skildingur fyrir hana á E-Bay, tala ekki um ef hárlufsa af hans heilagleika hefur fylgt með.

Annars finnst mér þessi baráttuaðferð samkynhneigðra, að kyssast fyrir framan páfa, frekar hallærisleg. Ég er nefnilega svo gamaldags að ég fer hjá mér að sjá karlmenn kyssast ástarkossum. En ekki orð um það meir.


mbl.is Eingöngu á milli karls og konu
Tilkynna um óviðeigandi tengingu við frétt

Brjálað?

Ætli maður yrði ekki sjálfur "brjálaður" ef einhver ódámurinn væri búinn að stinga mann í bakið með spjótum?

Ég get ekki að því gert en ég finn ekki til nokkurrar samúðar með fólki sem hefur gaman af því þegar dýr eru kvalin og pínd vísvitandi.  Nautið ræðst á manninn í sjálfsvörn og hefur fullan rétt til þess að mínu mati.


mbl.is Harmleikur í nautaatshringnum
Tilkynna um óviðeigandi tengingu við frétt

Til hvers að eyða peningum og orku í þetta batterí?

Það er alveg ljóst að Íslendingar munu ekki samþykkja inngöngu í ESB í þjóðaratkvæðagreiðslu komi til hennar.

Um leið liggur það líka alveg ljóst fyrir að þetta er EKKI rétti tíminn til að ræða um aðild og því síður að semja um hana. 

Til hvers þá í ósköpunum að halda þessu aðildar"viðræðu"ferli áfram?

Hvað er hann Össur og hinir aðpildarsinnarnir í ríkisstjórninni eiginlega að hugsa? 

Af hverju hlusta sumir stjórnmálamenn ekki á vilja þjóðarinnar?

Hafa þeir ekkert lært? 


mbl.is Vaxandi andstaða við aðild að ESB
Tilkynna um óviðeigandi tengingu við frétt

Hvernig væri nú að þýða þetta á íslensku?

Voðalega er það eitthvað klént af mbl.is að senda þetta myndband út án þýðingar á íslensku.

Mig minnir að einhvern tíma hafi verið sett lög um að íslenskir miðlar væru skyldugir til að texta allt erlent efni sem þeir sendu út.

Var búið að afturkalla þau lög eða misminnir mig bara svona illa? 


mbl.is Einstök samstaða og bjartsýni
Tilkynna um óviðeigandi tengingu við frétt

Makkanotendur eru gáfaðri en PC-notendur.

Rannsóknirnar munu einnig sýna að fólk sem notar PC-tölvur er mun greindarskertara en þeir sem nota Makka, enda er Internet Explorer ekki til fyrir Makka.

Þetta hefur lengi verið vitað en ekki sannað fyrr en nú.


mbl.is Notendur IE greindarskertir?
Tilkynna um óviðeigandi tengingu við frétt

Hvað er með þennan Sidda?

Þegar tengillinn þar sem myndbandið á að vera er skoðaður kemur í ljós að hann vísar á svæði sem virðist tilheyra einhverjum á Mbl sem kallaður er "Siddi" (http://www.mbl.is/mm/siddi/news/).

Inn á það svæði þarf bæði aðgangsorð og leyniorð þannig að almennir lesendur komast ekkert áfram.

Þetta er ekki í fyrsta skipti sem þetta gerist og væri æskilegt að þeir sem setja inn þessa tengla á Mbl prófuðu þá um leið og fréttin birtist svo þeir gætu leiðrétt þetta strax.

ps. rétti tengillinn er hér:

http://www.nrk.no/nyheter/norge/1.7729856


mbl.is Allt lék á reiðiskjálfi
Tilkynna um óviðeigandi tengingu við frétt

Hættulegt fólk.

Já, það leynist hættulegt ofstopafólk víða, fólk sem vílar ekki fyrir sér að beita ofbeldi ef því er að skipta. Ég sá þessar umræður á Facebook og orð árásarmannsins í garð viðmælenda sinna voru þannig að þau kveiktu umsvifalaust á viðvörunarbjöllunum um að þar færi maður sem væri til alls vís.

En það er víst lítið hægt að gera fyrr en svona fólk hefur látið til skarar skríða og skaðinn er skeður. Ég vona bara að sá sem á var ráðist fái strax lögvernd og nálgunarbann gagnvart þessum manni.


mbl.is Upp úr sauð eftir ummæli á Facebook
Tilkynna um óviðeigandi tengingu við frétt

Réttindalaus morðingi.

Þessi viðbjóðslega skepna hefur að mínu mati og vafalaust flestra annarra fyrirgert öllum sínum réttindum, þar með talið almennum mannréttindum.

Ég trúi ekki öðru en að réttarhöld yfir honum verði lokuð og stutt og að honum verði aldrei gert kleift að koma "boðskap" sínum á framfæri.

Helst vildi ég að þessi ræfill yrði tekinn af lífi sem allra fyrst en til vara á að loka hann inni í klefa og meina honum að hafa samskipti við nokkurn mann. Í því tilfelli vonar maður svo að hann drepist sem fyrst enda óþolandi fyrir aðstandendur fórnarlamba hans að vita af honum á lífi. 


mbl.is Lögreglan vill lokað dómhald
Tilkynna um óviðeigandi tengingu við frétt

Venjulega óvenjulegur maður.

Svo virðist sem þessi fjöldamorðingi hafi verið ósköp venjulegur í háttum, a.m.k. nógu "venjulegur" til að engan gæti hafa grunað hvað hann ætlaði sér.

Aldrei hafði hann komið við sögu lögreglunnar á neinn hátt og aldrei vakið neina sérstaka eftirtekt samborgara sinna umfram aðra. 

Því er ekki að neita að þetta vekur með manni ugg um að fleiri svona menn leynist á meðal okkar og að þeir gætu látið til skarar skríða hvenær sem er, hvar sem er.

Því miður óttast ég það versta. 

anders brevik 


mbl.is Faðir og bróðir Breiviks unnu í ráðuneytum
Tilkynna um óviðeigandi tengingu við frétt

Allt öðrum að kenna.

Það sem Matthías Imsland er raunverulega að segja:

"Það leiðindaatvik þegar nokkrir farþegar frá París töfðust um nokkra klukkutíma er alfarið á ábyrgð erlendra þjónustufyrirtækja. Iceland Express átti engan þátt í þessum leiðindum og ber því enga ábyrgð á þeim heldur.


mbl.is „Algjörlega óboðlegt“
Tilkynna um óviðeigandi tengingu við frétt

Einn af mörgum.

Ekki veit ég hvaða karlmaður á sextugsaldri þetta er sem fréttin greinir frá en veit hins vegar um marga aðra menn (og nokkrar konur) á ýmsum aldri sem eru einmitt sek um að hafa haft hundruði milljóna út úr saklausu fólki með svikum og svindli í eigin ágóðaskyni.

Veit ekki betur en að lögreglan viti líka nákvæmlega hvaða menn þetta eru. 

 


mbl.is Talinn hafa svikið út hundrað milljónir
Tilkynna um óviðeigandi tengingu við frétt

Óréttlæti.

Ég hitti Sævar nokkrum sinnum á lífsleiðinni og hvað sem annars má segja um hann er ég algjörlega sannfærður um að hann hafði ekki mannslíf á samviskunni og hafði enga hugmynd um hvað varð af Geirfinni sem hann var sakfelldur fyrir að hafa komið fyrir kattarnef.

Það hryggir mig að hann hafi ekki fengið mál sitt tekið upp aftur.


mbl.is Sævar Ciesielski látinn
Tilkynna um óviðeigandi tengingu við frétt

Senda þeim reikning.

Nú ættu þeir sem lokuðust þarna inni með bílana sína að sæta lagi og senda bílastæðasjóði háan reikning fyrir frelsissviptinguna. 
mbl.is Komust ekki úr kjallaranum
Tilkynna um óviðeigandi tengingu við frétt

Kjarnorkusprengjur verði almenningseign.

Til að treysta stöðugleika og valdajafnvægi í heiminum þá held ég að best væri ef almenningi gæfist kostur á að kaupa kjarnorkusprengjur til heimabrúks.

Þær þyrftu auðvitað ekki að vera af stærstu gerð, en nógu öflugar þó til að eyða smáplássum eins og Sandgerði og pestarbælinu Grindavík, án þess þó að nánasta umhverfi bæri of mikinn skaða af.

Til að tryggja að börn og brjálæðingar kæmust ekki yfir sprengju mætti selja þær í apótekum.

Ég er viss um að ef þetta væri gert þá væri ekki lengur neinn vandi að finna út úr því hverjir eru í raun vinir manns. 


mbl.is Sádar eignist einnig kjarnavopn
Tilkynna um óviðeigandi tengingu við frétt

Lærir fólk aldrei neitt?

Það er gjörsamlega ofar mínum skilningi að fólk sem rænir bankana innan frá eins og í þessu tilfelli hefur ekki enn fattað að langbesti staðurinn á jörðinni til að stunda slíkt er Ísland.

Ólíkt því sem gerist annars staðar þar sem menn fá jafnvel dóma fyrir brot sín þá komast íslenskir bankaræningjar og fjársvikafólk léttilega undan með sitt illa fengna fé og geta lifað lúxuslífi erlendis það sem eftir er. 

Já, það er munur að vera ræningi á Íslandi. 


mbl.is Bankamaður dæmdur í 8 ára fangelsi
Tilkynna um óviðeigandi tengingu við frétt

Velkominn til starfa

Það er alltaf gaman að því þegar menn hljóta upphefð fyrir vel unnin störf og ekkert annað en kurteisi að óska Ayman velfarnaðar sem leiðtoga hinna heilögu stríðsmanna.

Hann lengi lifi - eða þannig. 


mbl.is Al-Zawahri arftaki bin Ladens
Tilkynna um óviðeigandi tengingu við frétt

Ekki lengur ófrísk? Finnið 8 villur í þessari frétt.

Það er gott að þessi unga stúlka sé heil heilsu eftir að hafa verið flutt á spítala vegna hungurs og ekki lengur ófrísk.

Annars má ég til með að benda þeim sem fréttina lesa á að hún býður upp á skemmtilegan leik sem nefnist ...

Finnið 8 augljósar villur í þessari frétt:

Disney-stjarnan Selena Gomez er komin heim af spítalanum og orðin frísk á ný eftir að hafa þurft að fara í skyndi upp á sjúkrahús á fimmtudaginn. 

Í  byrun var ekki vitað hvað væri að hrjá leikkonuna og kærustu eftirsóttasta ungstyrni veraldar, Justin Bieber. En nú er komið í ljós að hún var bara svöng. Næringarskorturinn var svo mikill að hún þurfti að fara á spítala.

Læknar og starfsfólk spítalans bárust fljótt við og gáfu henni næringu og vítamín í kroppinn. Hini 18 ára gamla Selena hefur því sjaldan haft það betur. 


mbl.is Selena Gomez er orðin frísk
Tilkynna um óviðeigandi tengingu við frétt

Misskilningur eða heimska.

Það liggur alveg fyrir að þótt einhver konan klæði sig þannig að kynþokki hennar verði áberandi þá getur það aldrei réttlætt árás á hana vegna þess.

Þótt einhver veifi seðlabúntum úti á götu þá réttlætir það heldur ekki árás á hann vegna þess.

Og þótt einhver skilji útihurðina opna heima hjá sér þá réttlætir það ekki að einhver gangi inn til hans og steli frá honum.

Tala nú ekki um ef einhver skilur nýja lappann eftir í framsætinu inni í ólæstum bíl á meðan hann fer í bíó ... þá réttlætir það engan veginn að henni verði stolið.

Og ekki heldur hjólinu manns þótt maður skilji það eftir ólæst á Laugarveginum yfir eina helgi. Þar með er maður ekki að bjóða einhverjum að stela því frá manni. 

En er ekki allt í lagi fyrir lögguna að benda á að glæpamenn laðast að freistingum? Því meiri sem þær eru því líklegra er að þeir falli fyrir þeim, alveg sama hversu óréttlætanlegur glæpurinn er. Er þetta ekki bara augljós og blákaldur veruleikinn?

Hverju eru þessar konur eiginlega að mótmæla?

Það er fáránlegt að tengja svona ummæli alltaf við fordóma. Löggan er bara að benda á hið augljósa og fá fólk til að huga betur að öryggi sínu, rétt eins og Björgvin Björgvinsson var að gera í fyrra og fékk bágt fyrir.


mbl.is Drusluganga í Lundúnum
Tilkynna um óviðeigandi tengingu við frétt

Verður erfitt ...

Það mætti segja mér að það verði erfitt að finna nógu stóran frysti fyrir þetta. En mikið óskaplega hefur þessi frysting verið sló mó eithvað. Er ekki allt fyrir löngu orðið úldið?
mbl.is Eignir frystar í Lúxemborg
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband